Ladki Bahin June Installment Apatra List: लाडकी बहिण योजनेचं मोठं अपडेट! लाखो महिलांचे नाव लाडकी बहिण योजनेतून वगळले!

Ladki Bahin Yojana June Installment Apatra Mahila List: नमस्कार, सध्या योजना ही खूपच चर्चेत आहे.  माझी लाडकी बहीण योजना 2025 ही महाराष्ट्र सरकारने राज्यातील गरीब, विधवा, घटस्फोटीत आणि विवाहित महिलांसाठी सुरू केलेली महत्वाची योजना आहे. या योजनेचा उद्देश महिलांना आर्थिक मदत करून त्यांना आत्मनिर्भर बनवणं हा आहे. या योजनेअंतर्गत महिलांना दर महिन्याला ₹1500 इतकी रक्कम थेट बँक खात्यात जमा होते. पण मागील महिन्यात म्हणजेच जून महिन्यामध्ये अनेक महिलांना लाडकी बहीण योजनेचे पैसे मिळालेले नाहीत. तर याची कारणे काय आहेत, की या महिलांना या योजनेमधून वगळले गेले आहे याची संपूर्ण माहिती आज आपण या लेखामध्ये पाहणार आहोत.

आतापर्यंत किती हप्ते मिळालेत?

या योजनेत आजपर्यंत १२ हप्त्यांचे वितरण पूर्ण झाले आहे. म्हणजेच पात्र महिलांच्या खात्यात एकूण ₹18,000 जमा झालेले आहेत. लाखो महिलांना या योजनेचा खूप मोठा फायदा झालेला आहे. गरजू महिलांपर्यंत पोहोचणारी ही महाराष्ट्र शासनाची एकमेव योजना आहे. मात्र, अलीकडील काळात काही अडचणींमुळे अनेक महिलांना हप्ता मिळालेला नाही, किंवा योजनेतून त्यांचे नाव वगळण्यात आले आहे. नेमके या महिलांसोबत काय घडलेली आहे हे सविस्तर पाहूया.

लाडकी बहिण योजनेतून महिला का अपात्र होत आहेत?

राज्य शासनाच्या निर्देशानुसार आता अर्जांची कडक तपासणी सुरू आहे. काही महिलांनी खोट्या माहितीच्या आधारे अर्ज सादर करून लाभ घेतला होता. त्यांची आता तपासणी सुरू झालेली आहे. उदाहरणार्थ:

• काही महिलांच्या घरात सरकारी नोकरी करणारा व्यक्ती होता, तरीही त्यांनी लाभ घेतला.
• काहीजणींनी चारचाकी, ट्रॅक्टर असल्याचे लपवले.
• काही महिलांनी आयकर भरणाऱ्या कुटुंबात असूनही अर्ज केला.

अशा सर्व अपात्र महिलांना योजनेतून वगळण्यात येत आहे. शासनाने अलीकडे जाहीर केलं की सुमारे 10 लाख महिलांचे नाव योजनेतून हटवण्यात आलं आहे. व अजूनही या विषयावर मोठ्या प्रमाणात काम चालू आहे. जवळजवळ 30 टक्के महिलांना या योजनेमधून वगळण्याची शक्यता आहे.

लाडकी बहिण योजनेची पात्रता काय आहे?

जर तुम्हाला या योजनेचा लाभ घ्यायचा असेल तर खालील अटी पूर्ण करणे आवश्यक आहे:

• महिला ही महाराष्ट्राची रहिवासी असावी.
• वय 21 ते 65 वर्षांदरम्यान असावे.
• कुटुंबाचे वार्षिक उत्पन्न ₹2.5 लाखांपेक्षा कमी असावे.
• लाभार्थी महिलेच्या घरामध्ये कोणीही आयकर भरणारे नसावी.
• घरात कोणीही सरकारी नोकरीत नसावा.
• लाभार्थी महिलेकडे पिवळे किंवा केशरी रेशन कार्ड असावे.
• चारचाकी वाहन किंवा ट्रॅक्टर नसावा.
• बँक खाते आधार व मोबाईलशी लिंक असणे आवश्यक.

आपले नाव वगळले गेले का? घरबसल्या असे तपासा!

सध्या लाडकी बहीण योजनेच्या अर्जांची तपासणी सुरू असल्यामुळे अनेक महिलांना अपात्र केले जात आहे. ज्या महिला लाडकी बहीण योजनेच्या अटी शर्ती मध्ये बसत नाहीत अशांना अपात्र केली जात आहे.

जर आपल्याला शंका असेल की आपले नाव योजनेतून वगळले गेले आहे का, तर खालील स्टेप्स फॉलो करा:

1. अधिकृत वेबसाइटला भेट द्या: https://ladakibahin.maharashtra.gov.in
2. आपला आधार क्रमांक व मोबाईल नंबर भरा.
3. OTP भरून सबमिट करा.
4. तुमच्या नावासमोर स्टेटस दिसेल – “No Record Found” असल्यास तुमचे नाव वगळण्यात आले आहे.

हप्ता मिळालेला नाही? काय करावे?

जर तुम्हाला मागील हप्ते मिळाले असतील, पण 13 वा हप्ता जमा झालेला नसेल, तर:

• ग्रामपंचायत कार्यालय किंवा अंगणवाडी केंद्रात संपर्क करा.
• आधार कार्ड, बँक पासबुक, मोबाईल नंबर तपासा.
• eKYC आणि बँक खाते आधार लिंकिंग तपासा.
• सर्व गोष्टी बरोबर असल्यास तुमचा हप्ता लवकरच जमा होईल.

पण जर तुम्हाला या महिन्यांमध्ये तुमच्या अर्जाची तपासणी करून तुम्ही जर अपात्र आहे असे आढळल्यास तुम्हाला या महिन्यात वगळलेले असू शकते.

लाडक्या बहिणींना व्यवसायासाठी कर्ज सुविधा

उपमुख्यमंत्री अजित पवार यांनी सांगितले की, जे महिलांना स्वतःचा व्यवसाय सुरू करायचा आहे, त्यांना सरकारकडून ₹1 लाखांपर्यंत कर्ज मिळू शकते. त्यामुळे लाडकी बहिण योजना केवळ पैसे देण्यापुरती मर्यादित नसून महिलांना स्वावलंबी बनवण्याचा एक व्यापक उपक्रम आहे.

तुम्हीही या योजनेचा लाभ घेऊन तुमचा नवीन व्यवसाय सुरू करू शकता. किंवा तुमच्या जुन्या व्यवसायाला एक मोठे करण्यासाठी या कर्जाचा वापर करू शकता.

Ladki bahin reject list

लाडकी बहिण योजना 2025 अंतर्गत आतापर्यंत लाखो महिलांना फायदा झाला आहे. पण आता कडक पडताळणीमुळे लाखोंचे नाव वगळले जात आहे. त्यामुळे तुमचे नाव यादीत आहे की नाही हे तपासणे अत्यंत गरजेचे आहे.

जर तुमचे नाव लाभार्थी यादीमध्ये नसेल तर तुम्हाला या योजनेमधून वगळण्यात आलेली आहे. जर तुम्ही या योजने ला पात्र आहात तरीही तुम्हाला पत्र करण्यात आले असेल तर तुम्ही लाडक्या बहिणी योजनेच्या हेल्पलाइन नंबर वर कॉल करून या संदर्भात सरकारकडे तक्रार करू शकता.